Mon. Aug 10th, 2020

Maldiv Respublikası əcnəbi turistləri qəbul edəcək

Maldiv Respublikası iyulun 15-dən əcnəbi turistlərin qəbuluna başlayır.

“Report” “Forbes”ə istinadən xəbər verir ki, ölkənin Marketinq və İctimai Əlaqələr Korporasiyasının açıqlamasına görə, həmin gündən turistləri məskənsiz adalardakı, 1 avqust tarixindən etibarən isə məskənli adalarda yerləşən hotel və istirahət mərkəzləri qəbul etməyə başlayacaq.

Bütövlükdə avqustun 2-dək 65-dən artıq, oktyabrın 1-dən isə daha 50 kurort yerinin açılacağı nəzərdə tutulur.

Qeyd edək ki, ÜDM-nin 28 faizi, dövlət gəlirlərinin 90 faizindən artığı turizmin payına düşən Maldiv adalarında istirahət mövsümü dekabrdan mart ayınadək davam edir.

Gələn turistlər əlavə rüsum ödəməli, yaxud COVID-19 virusuna dair tibbi arayış təqdim etməli deyillər. Bununla belə koronavirusun əlamətləri görünən şəxslər öz hesabına test keçməli və karantinə alınmalıdır. Test pozitiv çıxsa, həmin şəxs təcrid olunmur, lakin əlamətlər yox olanadək ictimai yerlərə getməyəcək. Həmçinin əlamətlər görünən şəxslə təmasda olmuş başqa sərnişinlər də təcrid olunacaq.

Respublikaya gələnlər qalacaqları yerin əvvəlcədən təsdiqlənməsi barədə sənəd təqdim etməlidir. İlk mərhələdə gələn turistlər qaldıqları yerdən kənara çıxmayacaqlar. Yolda səhhətə dair sorğu vərəqəsini dolduracaq turistlər mütləq maska taxmalı, sosial məsafə qaydasına əməl etməlidirlər.

İndiyədək ölkədə 2 553 nəfər koronavirusa yoluxub, 13 nəfər ölüb.

Haqqımızda

AiləTravel.net xəbər saytı deyil, fərqli bir saytdır. AiləTravel.net saytında kriminal, siyasi xəbərlərə,şou xəbərlərə və xəbər saytlarına xas olan ənənəvi olan informasiyalara demək olar ki,rast gəlməyəcəksiniz. Bu sayt ancaq pozitiv məlumatlardan ,faydalı məlumatlardan əyləncəli şəkildə bəhs edən saytdır. ailetravel.net təkcə səyahət saytı deyil,eyni zamanda müxtəlif sahələrə marağı olan insanların informasiya tələbatını təmin edə biləcək əyləncəli-maarifləndirici saytdır.
Əgər sizin reallıqda səyahət etməyə imkanınız yoxdursa bizim saytla virtual səyahət edə bilərsiniz.Əgər siz aktiv səyahətçisinizsə eynilə bizim saytdakı materiallardan faydalana bilərsiniz, özünüz üçün yeni bilgilərdən istifadə edə bilərsiniz. Saytımızın səhifələrində nəinki peşəkar səyahət verilişləri ilə, eləcə də müəllif -həvəskar çəkilişlərlə tanış olacaqsınız. Güman edirik ki, informasiya bolluğunun olduğu indiki vaxtda AiləTravel.net sizlərin zövqünüzü oxşayan və tələblərinizə cavab verən mətbu orqan olacaq. Ümid edirik dəyərli vaxtınızı faydalı və maraqlı keçirəcəksiniz. Səyahətlə bağlı təəsüratlarınızı bizimlə bölüşə bilər,bu haqda yazılarınızı,vidematerialları, şəkilləri ,eləcə də irad və təkliflərinizi elektron ünvanımıza göndərə bilərsiniz.
AiləTravel.net həmçinin bütün yerli və xarici turizm şirkətlərini, eləcə də bütün iş adamlarını aktiv əməkdaşlığa dəvət edir.

Əlaqə