Tue. Apr 20th, 2021

Xocalı soyqırımı Qətərdə anıldı-Fotolar

 

Xocalı soyqırımının 29-cu ildönümü ilə əlaqədar Azərbaycan Respublikasının Qətər Dövlətindəki Səfirliyində anım tədbiri keçirilib.
Tədbirdə Qətərdə yaşayan həmvətənlərimiz, ziyalılar, yerli ictimaiyyət nümayəndələri, o cümlədən qardaş Türkiyə Respublikasının Qətər Dövlətindəki səfiri Mustafa Göksü iştirak ediblər.
Tədbir zamanı ilk öncə Xocalı faciəsinin qurbanları və Azərbaycanın ərazi bütövlüyü uğrunda canlarını fəda etmiş şəhidlərimizin xatirəsi bir dəqiqəlik sükutla yad edilib.
Daha sonra səfir Rəşad İsmayılov çıxış edərək, Xocalı faciəsi və Azərbaycan-Ermənistan münaqişəsi haqqında danışıb. Xocalı soyqırımının 20-ci əsrdə mülki və dinc əhaliyə qarşı törədilmiş ən qəddar cinayət əməllərindən biri olduğunu qeyd edən səfir, Ermənistanın ikinci Qarabağ müharibəsi zamanı da oxşar əməllərə əl ataraq mülki əhalini hədəf aldığını bildirib.
Tədbirdə çıxış edən Türkiyənin Qətərdəki səfiri M.Göksu Xocalı soyqırımı qurbanlarını ehtiramla anıb və Vətən müharibəsində əldə olunmuş şanlı qələbə münasibətilə Azərbaycan xalqını təbrik edib.
Çıxışlardan sonra Xocalı soyqırımı ilə əlaqədar sənədli filmi nümayiş etdirilib.

Tədbirdə Xocalı soyqırımınının dəhşətlərini əks etdirən foto sərgi təşkil olunub, kitab və informasiya materialları nümayiş etdirilib.

 

Haqqımızda

AiləTravel.net xəbər saytı deyil, fərqli bir saytdır. AiləTravel.net saytında kriminal, siyasi xəbərlərə,şou xəbərlərə və xəbər saytlarına xas olan ənənəvi olan informasiyalara demək olar ki,rast gəlməyəcəksiniz. Bu sayt ancaq pozitiv məlumatlardan ,faydalı məlumatlardan əyləncəli şəkildə bəhs edən saytdır. ailetravel.net təkcə səyahət saytı deyil,eyni zamanda müxtəlif sahələrə marağı olan insanların informasiya tələbatını təmin edə biləcək əyləncəli-maarifləndirici saytdır.
Əgər sizin reallıqda səyahət etməyə imkanınız yoxdursa bizim saytla virtual səyahət edə bilərsiniz.Əgər siz aktiv səyahətçisinizsə eynilə bizim saytdakı materiallardan faydalana bilərsiniz, özünüz üçün yeni bilgilərdən istifadə edə bilərsiniz. Saytımızın səhifələrində nəinki peşəkar səyahət verilişləri ilə, eləcə də müəllif -həvəskar çəkilişlərlə tanış olacaqsınız. Güman edirik ki, informasiya bolluğunun olduğu indiki vaxtda AiləTravel.net sizlərin zövqünüzü oxşayan və tələblərinizə cavab verən mətbu orqan olacaq. Ümid edirik dəyərli vaxtınızı faydalı və maraqlı keçirəcəksiniz. Səyahətlə bağlı təəsüratlarınızı bizimlə bölüşə bilər,bu haqda yazılarınızı,vidematerialları, şəkilləri ,eləcə də irad və təkliflərinizi elektron ünvanımıza göndərə bilərsiniz.
AiləTravel.net həmçinin bütün yerli və xarici turizm şirkətlərini, eləcə də bütün iş adamlarını aktiv əməkdaşlığa dəvət edir.

Əlaqə