Sun. Nov 7th, 2021

Narın insan orqanizminə faydaları

Nar payız və qış fəslnin ən sevilən meyvələrindən hesab edilir. Nar ləzzətli olmaqla yanaşı, zəngin antioksidan tərkbə malikdir. Narın tərkibində lif, protein, vitamin C, vitamin K, potasium, folat və s. vitamin və minerallar var. Payız və qış fəsillərində nar yemək, müxtəlif xəstəliklərdən də qoruyur.

Mütəxəssislərə görə, hər bir sağlam şəxs gün ərzində 25-35 qram lif qəbul etməlidir. Lif, həzm sistemində yaranan qəbizlik problemini aradan qaldırmaqla yanaşı, çəkinin normal qalmasına da yardım edir. Yəni, lif qəbul edən şəxslər kökəlmir. 100 qram narın tərkibində 4 qram lif var. Arıqlamağı hədəfləyən şəxslər gün ərzində 100 qram nar yeyə bilər.

Nar immun sistemi gücləndirir. Tərkibində olan C, E, K vitaminləri ilə yanaşı kalsium, potasium, maqnezium və s. minerallar immun sistemi dəstəkləyərək xəstəliklərə qarşı müqavimət yaradır.

Nar dəri üçün də əhəmiyyətli rola malikdir. Belə ki, hər gün kifayət qədər vitamin C qəbul etmək dəri üçün vacibdir. Narın tərkibində olan C vitamini, dəridə kollage sintezini oyandırır, bunun sayəsində dəridə elastiklik yaranır. Elastik dəridə isə qırışlar gec yaranır və dəri canlı görüntüyə sahib olur.

Nar xərçəng riskini azaldır. Nara qırmızı rəng verən polifenollar antioksidan xüsusiyyətə malikdir. Orqanizmdə yaranan sərbəst radikallar, bəzi qida qaynaqlarından gələn antioksidanlar tərəfindən neytrallaşdırılmasa DNK və protein kimi bioloji maddələrə zərər verə bilər.

Narın suyu da, qabığı da faydalıdır. Yüksək antioksidan tərkibə malik olan nar, bədəndəki bioloji maddələri oksidativ zərərlərdən qoruyur. Xərçəng yaranma riskinin qarşısını alır.

Nar, ürək-damar xəstəlikləri zamanı da faydalıdır. Nar suyu, bədəndə bədxassəli xolestrol səviyyəsini azalda biləcəyi haqda araşdırmalar var. Bununla yanaşı, nar suyu bədəndə su səviyyəsini tənzimləyir və qan təzyiqini aşağı salır. Narın dənələrində olan yağlar, ürək qoruyucu təsirə malikdir. Narın qabığı da dənələri qədər polifenollarla zəngindir.

Nar, diş ətlərini də qoruyur. Orqanizmdə C vitamini çatışmazlığı zamanı diş əti problemləri yaşanır. C vitamini bu toxumada yer alan bağların inkişafı üçün vacibdir. Yetərli qədər C vitamini qəbul etmək, diş əti toxumasının sağlam qalmasına yardım edir. Narın da tərkbində C vtamini olduğu üçün bu diş ətləri üçün də faydalı hesab edilir.

Narın qabığını çay kimi dəməyib içmək də sağlamlıq üçün faydalıdır. Ancaq bu çay, sadəcə həkim məsləhəti ilə təyin edilir.

Haqqımızda

AiləTravel.net xəbər saytı deyil, fərqli bir saytdır. AiləTravel.net saytında kriminal, siyasi xəbərlərə,şou xəbərlərə və xəbər saytlarına xas olan ənənəvi olan informasiyalara demək olar ki,rast gəlməyəcəksiniz. Bu sayt ancaq pozitiv məlumatlardan ,faydalı məlumatlardan əyləncəli şəkildə bəhs edən saytdır. ailetravel.net təkcə səyahət saytı deyil,eyni zamanda müxtəlif sahələrə marağı olan insanların informasiya tələbatını təmin edə biləcək əyləncəli-maarifləndirici saytdır.
Əgər sizin reallıqda səyahət etməyə imkanınız yoxdursa bizim saytla virtual səyahət edə bilərsiniz.Əgər siz aktiv səyahətçisinizsə eynilə bizim saytdakı materiallardan faydalana bilərsiniz, özünüz üçün yeni bilgilərdən istifadə edə bilərsiniz. Saytımızın səhifələrində nəinki peşəkar səyahət verilişləri ilə, eləcə də müəllif -həvəskar çəkilişlərlə tanış olacaqsınız. Güman edirik ki, informasiya bolluğunun olduğu indiki vaxtda AiləTravel.net sizlərin zövqünüzü oxşayan və tələblərinizə cavab verən mətbu orqan olacaq. Ümid edirik dəyərli vaxtınızı faydalı və maraqlı keçirəcəksiniz. Səyahətlə bağlı təəsüratlarınızı bizimlə bölüşə bilər,bu haqda yazılarınızı,vidematerialları, şəkilləri ,eləcə də irad və təkliflərinizi elektron ünvanımıza göndərə bilərsiniz.
AiləTravel.net həmçinin bütün yerli və xarici turizm şirkətlərini, eləcə də bütün iş adamlarını aktiv əməkdaşlığa dəvət edir.

Əlaqə