Wed. May 4th, 2022

Səfirliklərin bu hüququ alındı, xaricdəki soydaşlarımız problemlə üzləşdi

Artıq bir neçə gündür ki, sosial şəbəkələrdə xaricdə yaşayan soydaşlarımız Azərbaycanın diplomatik nümayəndəliklərindən xarici pasport ala bilməmələrindən şikayətlənirlər. Belə ki, sosial şəbəkə istifadəçiləri şəxsiyyət vəsiqəsinin etibarlılıq müddəti bitənlərin Azərbaycan diplomatik nümayəndəliyinə yeni pasportun verilməsi məqsədilə müraciət etmək hüququndan məhrum edildiyini bildirirlər.

“Qafqazinfo”nun məlumatına görə, vətəndaşlar iddia edirlər ki, yeni pasport almaq üçün onlar əvvəlcə Azərbaycana qayıtmalı, orada şəxsiyyət vəsiqəsi almalıdırlar. Yalnız bundan sonra xarici pasport ala bilərlər.

Məsələ ilə bağlı kiçik araşdırma apardıq. Məlum oldu ki, ötən ilin dekabrında Azərbaycanda “Pasportlar haqqında” və “Azərbaycan Respublikası Əhalisinin Dövlət Reyestri haqqında” qanunlara dəyişiklik edilib. Bu dəyişikliklərə əsasən, Azərbaycanın diplomatik nümayəndəlikləri vətəndaşın şəxsiyyətini təsdiq edən sənəd vermək hüququndan məhrum ediliblər.

Qanuna edilən dəyişikliyə əsasən, vətəndaşlar Azərbaycana geri qayıdıb, şəxsiyyət vəsiqələrini dəyişdikdən sonra xarici pasport ala bilərlər.

Xarici ölkələrdə Azərbaycan vətəndaşlarının övladları dünyaya gəldiyi təqdirdə isə onlar diplomatik nümayəndəliklərimızdən yalnız doğum haqqında şəhadətnamə sənədi ala bilərlər. Bundan sonra valideyn övladı ilə birgə Azərbaycana gəlib, şəxsiyyət vəsiqəsi və xarici pasport ala bilər.

Haqqımızda

AiləTravel.net xəbər saytı deyil, fərqli bir saytdır. AiləTravel.net saytında kriminal, siyasi xəbərlərə,şou xəbərlərə və xəbər saytlarına xas olan ənənəvi olan informasiyalara demək olar ki,rast gəlməyəcəksiniz. Bu sayt ancaq pozitiv məlumatlardan ,faydalı məlumatlardan əyləncəli şəkildə bəhs edən saytdır. ailetravel.net təkcə səyahət saytı deyil,eyni zamanda müxtəlif sahələrə marağı olan insanların informasiya tələbatını təmin edə biləcək əyləncəli-maarifləndirici saytdır.
Əgər sizin reallıqda səyahət etməyə imkanınız yoxdursa bizim saytla virtual səyahət edə bilərsiniz.Əgər siz aktiv səyahətçisinizsə eynilə bizim saytdakı materiallardan faydalana bilərsiniz, özünüz üçün yeni bilgilərdən istifadə edə bilərsiniz. Saytımızın səhifələrində nəinki peşəkar səyahət verilişləri ilə, eləcə də müəllif -həvəskar çəkilişlərlə tanış olacaqsınız. Güman edirik ki, informasiya bolluğunun olduğu indiki vaxtda AiləTravel.net sizlərin zövqünüzü oxşayan və tələblərinizə cavab verən mətbu orqan olacaq. Ümid edirik dəyərli vaxtınızı faydalı və maraqlı keçirəcəksiniz. Səyahətlə bağlı təəsüratlarınızı bizimlə bölüşə bilər,bu haqda yazılarınızı,vidematerialları, şəkilləri ,eləcə də irad və təkliflərinizi elektron ünvanımıza göndərə bilərsiniz.
AiləTravel.net həmçinin bütün yerli və xarici turizm şirkətlərini, eləcə də bütün iş adamlarını aktiv əməkdaşlığa dəvət edir.

Əlaqə