Akademik Musiqili Teatr “Ər və arvad” tamaşasının 110 yaşını qeyd edir

Düz 110 il bundan əvvəl – 1910-cu il may ayının 24-də dahi bəstəkarımız Üzeyir Hacıbəylinin bu ölməz musiqili komediyası ilə şərqdə ilk operetta janrı təşəkkül tapıb. Mədəniyyət tariximizdə önəmli yeri olan “Ər və arvad” musiqili komediyası Azərbaycanda Musiqili Teatrın gələcək inkişafına zəmin yaradıb.
Bu əlamətdar gün münasibətilə teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev kollektivi təbrik edib.
Təbrikdə deyilir: “Bir əsrdən çox repertuardan düşməyən “Ər və arvad” tamaşasının maraqlı tarixçəsi vardır. Bütün dövrlərdə tamaşaçılar tərəfindən böyük sevgi və alqışlarla qarşılanan bu səhnə əsəri təkcə ölkəmizdə deyil, onun hüdudlarından kənarda da daim uğurla nümayiş olunur, çox böyük maraq və coşquyla qarşılanır.
Musiqili Teatr bu tamaşa ilə dünyanın müxtəlif ölkələrində – İran, Türkiyə, Gurcustanda çıxışlar edib. Təbrizdə keçirilən beynəlxalq Fəcr festivalında “Ər və arvad” tamaşası ilə iştirak edən teatrımız bu möhtəşəm teatr yarışmasında mükafata layiq görülüb.
110 yaşlı teatrımıza bundan sonrakı onilliklərdə də yeni-yeni uğurlu tamaşalar, bütün yaradıcı və texniki heyətə can sağlığı arzulayıram. Yolunuz açıq, uğurlarınız bol, tamaşaçılarınız saysız olsun hər zaman. Hər vaxt uca olun, ucalıqda olun!”

Haqqımızda

AiləTravel.net xəbər saytı deyil, fərqli bir saytdır. AiləTravel.net saytında kriminal, siyasi xəbərlərə,şou xəbərlərə və xəbər saytlarına xas olan ənənəvi olan informasiyalara demək olar ki,rast gəlməyəcəksiniz. Bu sayt ancaq pozitiv məlumatlardan ,faydalı məlumatlardan əyləncəli şəkildə bəhs edən saytdır. ailetravel.net təkcə səyahət saytı deyil,eyni zamanda müxtəlif sahələrə marağı olan insanların informasiya tələbatını təmin edə biləcək əyləncəli-maarifləndirici saytdır.
Əgər sizin reallıqda səyahət etməyə imkanınız yoxdursa bizim saytla virtual səyahət edə bilərsiniz.Əgər siz aktiv səyahətçisinizsə eynilə bizim saytdakı materiallardan faydalana bilərsiniz, özünüz üçün yeni bilgilərdən istifadə edə bilərsiniz. Saytımızın səhifələrində nəinki peşəkar səyahət verilişləri ilə, eləcə də müəllif -həvəskar çəkilişlərlə tanış olacaqsınız. Güman edirik ki, informasiya bolluğunun olduğu indiki vaxtda AiləTravel.net sizlərin zövqünüzü oxşayan və tələblərinizə cavab verən mətbu orqan olacaq. Ümid edirik dəyərli vaxtınızı faydalı və maraqlı keçirəcəksiniz. Səyahətlə bağlı təəsüratlarınızı bizimlə bölüşə bilər,bu haqda yazılarınızı,vidematerialları, şəkilləri ,eləcə də irad və təkliflərinizi elektron ünvanımıza göndərə bilərsiniz.
AiləTravel.net həmçinin bütün yerli və xarici turizm şirkətlərini, eləcə də bütün iş adamlarını aktiv əməkdaşlığa dəvət edir.

Əlaqə: (+994) 70 501 88 17