ÇİLİDƏ ƏSRARƏNGİZ HOTEL- ŞƏLALƏ

Çilinin ecazkar guşələrindən birində əmin-amanlıq və harmoniya atmosferinin hökm sürdüyü bir yer var. Şəhərin səs-küyündən dincəlmək və təbiətin gözəlliyinindən həzz almaq istəyirsinizsə “Sehirli dağ” (Montaña Mágica Lodge) hotelinə üz tutun.

Bu əsrarəngiz yer 2007-ci ildə YUNESKO-nun Dünya İrsinə daxil edilmiş Huilo-Huilo Milli Qoruğunun ərazisində yerləşir. Hotelin əsas xüsusiyyəti ətraf mühiti məhv etməyərək, təbiətlə ahəngdar birləşməsidir. Hotel layihəsi Çili ekoloji turizminin inkişafına ən böyük töhfə kimi tanınıb.

Layihəni yaradarkən memarlar qarşılarına önəmli bir məqsəd qoyublar – qoruğun təbiətinin harmoniyasını və bütövlüyünü qoruyacaq bir otel yaratmaq. Nəhəng şəlalə binanı nəinki bəzəyir, eyni zamanda otelin divarlarını bürüyən  yamacları su ilə qidalandırır.

Yerli əfsanə memarları belə qeyri-adi hotel yaratmağa ilhamlandırıb. Əfsanəyə görə, bu meşədə xəyalları gercəkləşdirən sehirli bir dağ var idi. O, ruhlar tərəfindən qorunur və ancaq cəsarətlənərək onun zirvəsinə qalxan insan istəkli arzusunu gerçəkləşdirə bilərdi.

“Sehirli Dağ” hoteli 2005-ci ildə inşa olunub. Onun tikintisində istifadə olunan bütün materiallar – qara daş və ağac – qoruqdan götürülmüşdür. Yerli sənətkarlar əcdadlarının adət-ənənələrini davam etdirərək, qədim üsullardan istifadə edərək bu ecazkar quruluşun yaradılması üzərində çalışıblar.

Hoteldə mağaraları xatırladan 13 otaq var. Bütün otaqlar müasir rahatlıq ilə təmin olunub, otaqlarda yerləşən böyük pəncərələr isə meşənin gözəlliyindən zövq almaq üçün əla fürsət yaradır. Ən maraqlısıda odur ki, hoteldə nömrələr yoxdur, hər otaq  Çili quşlarının adını daşıyır.

 

Həmçinin qoruq öz qonaqlarına bir çox aktiv əyləncələr təklif edir: at sürmək, isti bulaqlarda üzmək, balıq ovu və ən cəsarətli əyləncə – dağ çayında raftinq.
“Sehirli dağ” hotelinə getmək çox vaxt apara bilər, amma buna dəyər. Başlanğıc nöqtəsi Çilinin paytaxtı Santyaqodur, oradan təyyarə ilə Valdivia əyalətinə 800 km məsafədir.

Haqqımızda

AiləTravel.net xəbər saytı deyil, fərqli bir saytdır. AiləTravel.net saytında kriminal, siyasi xəbərlərə,şou xəbərlərə və xəbər saytlarına xas olan ənənəvi olan informasiyalara demək olar ki,rast gəlməyəcəksiniz. Bu sayt ancaq pozitiv məlumatlardan ,faydalı məlumatlardan əyləncəli şəkildə bəhs edən saytdır. ailetravel.net təkcə səyahət saytı deyil,eyni zamanda müxtəlif sahələrə marağı olan insanların informasiya tələbatını təmin edə biləcək əyləncəli-maarifləndirici saytdır.
Əgər sizin reallıqda səyahət etməyə imkanınız yoxdursa bizim saytla virtual səyahət edə bilərsiniz.Əgər siz aktiv səyahətçisinizsə eynilə bizim saytdakı materiallardan faydalana bilərsiniz, özünüz üçün yeni bilgilərdən istifadə edə bilərsiniz. Saytımızın səhifələrində nəinki peşəkar səyahət verilişləri ilə, eləcə də müəllif -həvəskar çəkilişlərlə tanış olacaqsınız. Güman edirik ki, informasiya bolluğunun olduğu indiki vaxtda AiləTravel.net sizlərin zövqünüzü oxşayan və tələblərinizə cavab verən mətbu orqan olacaq. Ümid edirik dəyərli vaxtınızı faydalı və maraqlı keçirəcəksiniz. Səyahətlə bağlı təəsüratlarınızı bizimlə bölüşə bilər,bu haqda yazılarınızı,vidematerialları, şəkilləri ,eləcə də irad və təkliflərinizi elektron ünvanımıza göndərə bilərsiniz.
AiləTravel.net həmçinin bütün yerli və xarici turizm şirkətlərini, eləcə də bütün iş adamlarını aktiv əməkdaşlığa dəvət edir.

Əlaqə: (+994) 70 501 88 17