“Qərib Azər” yenidən efirə qayıdır – VİDEO

Düz 17 il əvvəl ilk dəfə efirə gedən “Qərib Azər” yenidən efirə qayıdır.

BAKU.WS xəbər verir ki, bu barədə Azər Qəribov “Facebook” hesabında yazıb.

O bildirib ki, sabahdan “Qərib Azər” verilişi Real TV-də yayımlanmağa başlayacaq.

Yeni “Qərib Azər” əski “Qərib Azər”-dən nə ilə fərqlənəcək?

“15 dəqiqəlik veriliş 3 tam müstəqil 5 dəqiqəlik süjetdən ibarət olacaq və bu süjetlər ardıcıl olaraq həftənin dördüncü, beşinci və şənbə günləri xəbərlər blokunda göstəriləcək, özü də gündə 5 dəfə.

Bazar günü isə bu 3 süjet tam bir verilişdə birləşəcək və iki dəfə efirə gedəcək.

Eyni zamanda, əvvəlki musiqili pauzalar verilişdə olmayacaq, süjetlər daha sıх mətnlə və daha dinamik olacaq.

Bununla yanaşı, çalışacam ki, az tanınan yerlərə səfər edim, geniş kütlələrə məlum olmayan diyarları gəzim, sizə təqdim edim.

17 il əvvəl bizim vətəndaşlar bugünkü qədər səyahət etmirdilər, hər bir yer maraqlı idi. İndi isə artıq insanlar gəzirlər, görürlər və onları Paris və Londonla təəccübləndirmək mümkün deyil.

Odur ki, istiqamətlərimi bunu nəzərə alaraq seçmək niyyətimdəyəm.

Bu, o demək deyil ki, dünya paytaxtları olmayacaq, amma istənilən halda bu ümumi baxış deyil, daha çox konkret bir məkan, yaxud memarlıq şedevri, tarixi abidə və s. olacaq.

Əvvəllər olduğu kimi, bu dəfə də verilişin baş sponsoru Azərbaycan Beynalxalq Bankı olacaq, ənənələri pozmuruq. Eyni zamanda AZAL şirkəti də verilişi dəstəkləyənlərdən biridir”, – deyə aparıcı bildirib.

 

Haqqımızda

AiləTravel.net xəbər saytı deyil, fərqli bir saytdır. AiləTravel.net saytında kriminal, siyasi xəbərlərə,şou xəbərlərə və xəbər saytlarına xas olan ənənəvi olan informasiyalara demək olar ki,rast gəlməyəcəksiniz. Bu sayt ancaq pozitiv məlumatlardan ,faydalı məlumatlardan əyləncəli şəkildə bəhs edən saytdır. ailetravel.net təkcə səyahət saytı deyil,eyni zamanda müxtəlif sahələrə marağı olan insanların informasiya tələbatını təmin edə biləcək əyləncəli-maarifləndirici saytdır.
Əgər sizin reallıqda səyahət etməyə imkanınız yoxdursa bizim saytla virtual səyahət edə bilərsiniz.Əgər siz aktiv səyahətçisinizsə eynilə bizim saytdakı materiallardan faydalana bilərsiniz, özünüz üçün yeni bilgilərdən istifadə edə bilərsiniz. Saytımızın səhifələrində nəinki peşəkar səyahət verilişləri ilə, eləcə də müəllif -həvəskar çəkilişlərlə tanış olacaqsınız. Güman edirik ki, informasiya bolluğunun olduğu indiki vaxtda AiləTravel.net sizlərin zövqünüzü oxşayan və tələblərinizə cavab verən mətbu orqan olacaq. Ümid edirik dəyərli vaxtınızı faydalı və maraqlı keçirəcəksiniz. Səyahətlə bağlı təəsüratlarınızı bizimlə bölüşə bilər,bu haqda yazılarınızı,vidematerialları, şəkilləri ,eləcə də irad və təkliflərinizi elektron ünvanımıza göndərə bilərsiniz.
AiləTravel.net həmçinin bütün yerli və xarici turizm şirkətlərini, eləcə də bütün iş adamlarını aktiv əməkdaşlığa dəvət edir.

Əlaqə: (+994) 70 501 88 17