Səhər tezdən oyanmağın faydaları – Erkən oyanan CEO-lar

Yəqin ki, bir çoxumuz erkən oyanmağın nə qədər faydalı olduğunu eşitmişik. Hətta belə bir atalar sözü də var: “Tez yatıb, tez duran varlı olar“. Bəs həqiqətən erkən oyanmaq bizə nə qazandırır?
Tezdən oyanaraq, günə erkən başlasanız, daha enerjili və məhsuldar olarsınız. Gününüzü daha yaxşı planlaya bilər və daha çox zamana sahib ola bilərsiniz.
Aparılan araşdırmalarda da müəyyən olunmuşdur ki, gec yatan və səhər oyana bilməyən insanlar, daha dağınıq və nizamsız həyat tərzi keçirirlər. Erkən oyanan insanlarda isə bunun tam əksi ortaya çıxır. Əminik ki, ətrafınızdakı nizamlı insanlar da erkən oyanırlar.
Gecə gec yatan insanların itirdikləri yuxu enerjisi gün ərzində onlara yorğunluq olaraq geri dönür. Erkən oyanan insanlarda isə, bu vəziyyətin tam əksi müşahidə edilmişdir. Belə ki, erkən oyanan insanlar gün ərzində daha enerjili və xoşbəxt olurlar.
İndi isə sizə bəzi CEO və məşhurların səhər hansı saatlarda oyandıqlarını təqdim edirik:
“Starbucks” CEO-su Howard Schultz 06:00
“Disney” CEO-su Bob Iger 04:30
“Apple” CEO-su Tim Cook 04:30
“Paypal” CEO-su Jeff Jordan 05:00
“Avon” CEO-su Andrea Jung 05:00
Barack Obama – 07:00
Siyahıya əlavə edə biləcəyimiz bir çox CEO və uğurlu insanlar var. Onlardan sadəcə bir neçəsini seçib yazdıq.
Ən uğurlu insanlar əsasən 5-6 saat yuxu ilə bütün günlərini idarə edə bilirlər. Bu insanlar çox vaxt gecəyə qədər çalışıb, gündüz də erkən oyanırlar. Günorta saatlarında isə kiçik fasilə və yuxu ilə gecə ala bilmədikləri yuxunu əvəzləyirlər. Bu şəkildə, günlərinin 18 saatını istədikləri işə və ehtiyaclarına ayırırlar.
Unutmayın ki, yuxarıda sadaladığımız insanlar uğurlu olduqdan sonra erkən oyanmağa başlamayıblar. Erkən oyandıqları üçün uğurlu olublar.(azedu.az)

Haqqımızda

AiləTravel.net xəbər saytı deyil, fərqli bir saytdır. AiləTravel.net saytında kriminal, siyasi xəbərlərə,şou xəbərlərə və xəbər saytlarına xas olan ənənəvi olan informasiyalara demək olar ki,rast gəlməyəcəksiniz. Bu sayt ancaq pozitiv məlumatlardan ,faydalı məlumatlardan əyləncəli şəkildə bəhs edən saytdır. ailetravel.net təkcə səyahət saytı deyil,eyni zamanda müxtəlif sahələrə marağı olan insanların informasiya tələbatını təmin edə biləcək əyləncəli-maarifləndirici saytdır.
Əgər sizin reallıqda səyahət etməyə imkanınız yoxdursa bizim saytla virtual səyahət edə bilərsiniz.Əgər siz aktiv səyahətçisinizsə eynilə bizim saytdakı materiallardan faydalana bilərsiniz, özünüz üçün yeni bilgilərdən istifadə edə bilərsiniz. Saytımızın səhifələrində nəinki peşəkar səyahət verilişləri ilə, eləcə də müəllif -həvəskar çəkilişlərlə tanış olacaqsınız. Güman edirik ki, informasiya bolluğunun olduğu indiki vaxtda AiləTravel.net sizlərin zövqünüzü oxşayan və tələblərinizə cavab verən mətbu orqan olacaq. Ümid edirik dəyərli vaxtınızı faydalı və maraqlı keçirəcəksiniz. Səyahətlə bağlı təəsüratlarınızı bizimlə bölüşə bilər,bu haqda yazılarınızı,vidematerialları, şəkilləri ,eləcə də irad və təkliflərinizi elektron ünvanımıza göndərə bilərsiniz.
AiləTravel.net həmçinin bütün yerli və xarici turizm şirkətlərini, eləcə də bütün iş adamlarını aktiv əməkdaşlığa dəvət edir.

Əlaqə: (+994) 70 501 88 17